''டாக்டர் ஏன் கோபமா இருக்கார்?''

''ஒரு பேஷண்ட் அவர்கிட்ட 'டாக்டர் நான் ஆபரேஷனுக்கு அப்புறம் சொர்க்கத்துக்கு போவேனா? நரகத்துக்கு போவேனா?'னு கேட்டாராம்''
-------------------------------------------------------------------------------
''நான் ஊருக்கு போகும்போது என் பழைய சட்டைகளை எல்லாம் பீரோவுல வெச்சிட்டு போனேனே? பத்திரமா இருக்கா?''

''பாத்திரமா இருக்கு''
--------------------------------------------------------------------------------
''அந்த தியேட்டருக்கு ஃபேனே தேவையில்லை''

''ஏன். ஏ.ஸி. இருக்கறதாலயா?''

''ஏற்கெனவே காத்து வாங்கிட்டுதானே இருக்கு?''

- சி.பி.செந்தில்குமார்
--------------------------------------------------------------------------------
நோயாளி: டாக்டர் டாக்டர். நாய் கடிச்சிடுச்சு டாக்டர்!

டாக்டர்: எங்கப்பா கடிச்சுச்சு?

நோயாளி: சைதாப்பேட்டையிலே டாக்டர்!

-ச. ரபிக்ராஜா
--------------------------------------------------------------------------------

தொண்டர் (1) : தலைவர் புதுசா ஏஜென்ஸி வியாபாரம் ஆரம்பிச்சிருக்காரு போல இருக்கு.

தொண்டர் (2) : எப்படி சொல்றே?

தொண்டர் (1) : இந்தத் தேர்தலில் வெற்றி பெறும் எங்கள் கட்சி எம்.பி.க்கள் நிலையான ஆட்சி அமைய ஆதரவு

தருவார்கள்; 'இந்தச் சலுகை ஸ்டாக் உள்ள வரை மட்டுமே'ன்னு பேசியிருக்காரே!

--------------------------------------------------------------------------------

மகன்: ''என்னம்மா....மைசூர் பாகு அப்பாவுக்கு ஒண்ணு; எனக்கும் ஒண்ணுதானா?''

அப்பா: ''இது விஷயத்திலே உங்கம்மாவுக்கு 'பாகு' பாடே கிடையாது!''

-என்.கே.கண்ணன்

--------------------------------------------------------------------------------
"பக்கத்து வீட்டுல ரொம்பப் பந்தா பண்ணிக்கிறாங்க..."

"எப்படிச் சொல்றே?"

"கால்குலேட்டர்ல பெருக்கறதுக்குக் கூட வேலைக்காரி வைச்சிருக்காங்களே!"

- ஆ. சக்திவேலன்

--------------------------------------------------------------------------------

"எப்படி உங்க வயிற்றில் இவ்வளவு காயம் ஆச்சு?"

"பசி வயித்தைக் கிள்ளிடுச்சு டாக்டர்"

-எஸ். பொன்னுசாமி

--------------------------------------------------------------------------------

''பல் வலின்னு சொல்லிட்டு ஏண்டா கால்நடை டாக்டர்ட்ட பொயிட்டு வர்ற?''

''எனக்கு 'சிங்கப்பல்ல' சொத்தையாச்சே''

-புத்தூர் முருகன்

--------------------------------------------------------------------------------

ஒருவர்: ''நீ எழுதின கதை பேப்பர்ல வந்திருக்கு. உனக்கு யார் எழுதிக் கொடுத்தாங்க?''

மற்றவர்: ''அது இருக்கட்டும். நான் எழுதின கதை பேப்பர்ல வந்திருக்குன்னு யார் உனக்குப் படிச்சி சொன்னாங்க?''

-சந்தியூர் ஏ.கோவிந்தன்

--------------------------------------------------------------------------------

''சீர்'' என்னென்ன வேணும்ன்னு, ஏற்கனவே ஒரு லிஸ்ட் கொடுத்தீங்க! இப்போ, வேற 'லிஸ்ட்' கொடுக்கறீங்களே...!''

''இது 'சீர்'திருத்தக் கல்யாணமாச்சே..... அதான்!''

-கலை நண்பன்

--------------------------------------------------------------------------------

''உங்க ஊர்லே சமையலுக்கு ஆள் கிடைக்குமா''

''ஆளெல்லாம் கிடைக்காதுங்க! காய்கறிதான் கிடைக்கும்!

லவ்லிராஜா

--------------------------------------------------------------------------------

''அந்த சலூன்கடைக்காரர் ரொம்ப நல்ல டைப்!''

''எப்படி?''

''முடிவெட்டறப்ப தவறி காதை வெட்டிட்டா, முடிவெட்டினதுக்கு காசு வாங்கமாட்டாரு!''

- தஞ்சை இரா.ஆதி

--------------------------------------------------------------------------------

''பையன்கிட்டே உனக்கு மூளை இருக்கா'ன்னு கேட்டது தப்பாப் போச்சு''

''ஏன்?''

''அவன் ஸ்கேன் எடுத்த 'ரிப்போர்ட்டை'க் கொண்டு காட்டுறான்!''

-பாளை பசும்பொன்

--------------------------------------------------------------------------------

''டாக்டர் மார்ச்சுவரிக்கு எப்படி போகணும்''

''இதோ.... இந்த ஆபரேஷன் தியேட்டர் வழியாக் கூட போகலாம்''

- விசன்

--------------------------------------------------------------------------------

அவன்: உங்க ''கடைக்குட்டி'' என்ன பண்றான்?
இவர்: ''குட்டிக்கடை'' ஒண்ணு வச்சிருக்கான்!

-புதுவண்டி ரவீந்திரன்

--------------------------------------------------------------------------------
சத்தம் போட்டு விற்பவர் யார்?

'கத்தி' வியாபாரம் செய்பவர்!
--------------------------------------------------------------------------------
கருமிகள் மகாநாடு நடத்த சிறந்த இடம் எது ?

'கஞ்சன்' ஜங்கா!
--------------------------------------------------------------------------------
கதை சொல்லும் மரம் எது?

'நாவல்' மரம்!
--------------------------------------------------------------------------------
புகையைக் கக்கும் பிராணி எது?

சாம்'பிராணி'!
--------------------------------------------------------------------------------
கப்பல் ஏன் ஆடுது?

அது எப்பவும் 'தண்ணி'யிலே இருக்கு!
--------------------------------------------------------------------------------
மரம் செடி கொடி இல்லாத சோலை எது?

காசோலை!
--------------------------------------------------------------------------------
வளராத மரம் எது தெரியுமா?

கைகாட்டி மரம்!
--------------------------------------------------------------------------------
அரசியல் வாதிக்கு பிடித்த வாரம் எது!

ஆரவாரம்!
--------------------------------------------------------------------------------
காசு இல்லாமல் போகும் தந்தி எது?

வதந்தி!
-பி.கே.சங்கர்
--------------------------------------------------------------------------------
''என்னடா உங்கப்பா, உனக்குச் சொத்திலே வெறும் ஆயிரம் ரூபா மட்டும் எழுதி வச்சிருக்காரு?''
`'நான் கொடுத்து வச்சது அவ்வளவுதான்டா!''

''சே... அந்த ஆயிரம் ரூபா கூட உன் பணம்தானா?''

டி. பன்னீர் செல்வம்
--------------------------------------------------------------------------------

தொண்டர்: நம்ம தலைவரு ஏது திடீர்னு அவர் பையனை மிலிட்டரிலே சேர்த்துட்டாரு?

மற்றவர்: பையன் பேரிலே நிறைய பணம் போட்டதை அவன் மேஜரானாதான் எடுக்க முடியும்னு பாங்கிலே
சொல்லிட்டாங்களாம்.

எஸ். எம்.சுந்தரம்

--------------------------------------------------------------------------------

''மாமியார் மருமகள் சண்டை போடறச்ச யாரோ ஒருத்தர் நடுவுல வந்து சோப்பைக் காட்டறாரே ஏன்?''

''அந்தச் சண்டையை ஸ்பான்சர் பண்றதே ஒரு சோப்புக் கம்பெனிகாரங்கதானாம்.''

மஞ்சுளா கிருஷ்ணன்

--------------------------------------------------------------------------------

''தாஜ்மஹாலைப் பார்கிறவங்க ஆச்சரியத்திலே மூக்கின் மேல் விரலை வைப்பாங்க.''
''இதென்ன பிரமாதம். கூவத்தைப் பார்க்கிறவங்ககூட, மூக்கின் மேல் விரலை வைக்கத்தான் செய்வாங்க.''

பொன். பிரபாகரன்
--------------------------------------------------------------------------------

''இந்த ஓட்டல் சர்வர் சுத்த `கர்நாடகமா` இருப்பான் போல....!

''ஏன் அப்படிச் சொல்றே...?''

''நானும் கால்மணி நேரமா தண்ணி குடிக்கக் கேட்கிறேன். காது கேட்காத மாதிரி போறானே...!

-ஜே. காளிதாஸ்
--------------------------------------------------------------------------------

''அந்த உர விற்பனைக் கடையில், மொத்தமாக வாங்குபவர்களுக்குக் கழிவு உண்டுன்னு சொன்னாங்களே?''
''மாட்டுச் சாணம், குப்பை கூளம் ஆகிய கழிவுகளைக் கொடுப்பாங்களாம்!''

-உடுமலை. பொன்னுசாமி
--------------------------------------------------------------------------------

''நடிகை ஜிகினாசிறீக்கு இருந்தாலும் இவ்வளவு ஆகாதுங்க...''

''ஏன்? என்னாச்சு?''

''தன்னோட பி.ஏ.வுக்கு பி.ஏ. தேவைன்னு விளம்பரம் கொடுத்திருக்கிறாங்களே!''

-ஆ.சக்திவேலன்.
--------------------------------------------------------------------------------

''ஏன் கால் தாங்கி நொண்டி நடந்து வர்றீங்க...''
''வந்த வழியில் ஒரு பெரிய பள்ளம் இருந்ததே பார்த்தீங்களா''

''பார்த்தேன்''

''நான் பார்க்கல அதான்''

-கே.பிரஷ்னேவ்
--------------------------------------------------------------------------------

காதலன்: ''கல்யாணம் பண்ணிக்கிட்டா உன்னைத்தான் கல்யாணம் பண்ணிக்குவேன்!''
காதலி: ''இல்லேன்னா?''

காதலன்: ஏற்கனவே கல்யாணம் பண்ணிக்கிட்டவளோடயே காலம் தள்ளிக்கிறேன்!''
--------------------------------------------------------------------------------

காதலி: ''நம்ம கல்யாணம் எப்போ டியர்?''

காதலன்: ''என்னோட கல்யாணம் அடுத்த வாரம். உன்னோட கல்யாணத்தை பத்தி உங்கப்பன் கிட்ட கேளு!''

-கொங்கணாபுரம் வே.செந்தில்
--------------------------------------------------------------------------------

''அந்த நடிகைய ''டைட்டானிக்'' ஸ்டைல்ல எச்சில் துப்பச் சொன்னது தப்பாப் போச்சு''

''ஏன்?''

''எச்சிலோட ''பல் செட்டு''ம் சேந்து விழுந்துருச்சு''

-மவ்லவி, சிலைமான் ரபீக்.
--------------------------------------------------------------------------------

''படுத்த ஒரு மணி நேரம் கழிச்சு, காதுல ரயில் ஓடுற சத்தம் கேட்குது டாக்டர்!''

''நேற்றும் படுத்த ஒரு மணி நேரம் கழித்துத்தான் சத்தம் வந்ததா?''

''இல்ல டாக்டர்! நேத்து ரயில் இரண்டு மணி நேரம் லேட்டு''

- தரணிதரன்
--------------------------------------------------------------------------------

''அப்படி என்னய்யா...உன் பால் உசத்தி. இவ்வளவு விலை விற்கிறே?''

''பால்லே தண்ணிக்கு பதில் 'மினரல் வாட்டர்' இல்லே கலக்கிறேன்!''

-கோவீ.இராஜேந்திரன்
--------------------------------------------------------------------------------

"சொத்து பிரச்னையில் எனக்கும் என் அண்ணனுக்கும் தகராறு வந்துடுச்சு"

"அப்புறம் சொத்து யாருக்கு கிடைச்சுது?"

"ரெண்டு பேரோட வக்கீல்களுக்கு"

- சோலோ.ப. செல்வராஜ்
--------------------------------------------------------------------------------

''புதுசா பக்கத்து வீட்டுக்கு வந்திருக்கறவங்க ரொம்ப நல்ல மாதிரி! நான் அங்கே போனவுடனேயே காப்பி கொடுத்தாங்க!''
''சரியாகப் போச்சு! அந்தக் காபிப் பொடியையும், பாலையும், சர்க்கரையையும் நம்ம வீட்டுலேர்ந்துதான் கடன் வாங்கிட்டுப் போனாங்க!''

-என்.கே.பாலசுப்பிரமணியன்
--------------------------------------------------------------------------------

அவர்: ஹோட்டல் கடைக்காரர் கல்யாணத்துக்கு போனது தப்பா போச்சு.
இவர்: ஏன், என்னாச்சு?

அவர்: அதிகமா மொய் வைச்சவங்களுக்கு 'அன்லிமிடட்' சாப்பாடும், குறைவா மொய் வைச்சவங்களுக்கு அளவுச் சாப்பாடும் போடறாரு!
--------------------------------------------------------------------------------
ரமா: பால்கார ராமசாமி மேல மட்டும் உனக்கு ஏன் இவ்வளவு அக்கறை?
உமா: நான் 'அவர்பால்' ஈர்க்கப்பட்டு விட்டேன்!
-------------------------------------------------------------------------------
அவர்: புதுசா பூட்டுக் கம்பெனி ஒண்ணு ஆரம்பிச்சிருக்கேன்!
இவர்: அப்படியா...பெஸ்ட் ஆப் 'லாக்'!

-சேலம் கமலா
--------------------------------------------------------------------------------

''அது டாக்டரோட வீடு''
''சரி, அதுக்காக 'நோயுற்ற வாழ்வே குறைவற்ற செல்வம்' னு வாசல்லே எழுதி வைக்கணுமா?''

-டி.என்.பாலகிருஷ்ணன்
--------------------------------------------------------------------------------

''எங்க மாப்பிள்ளை, தீபாவளிக்கு வந்துவிட்டுப் பொங்கலுக்குத்தான் போவார்...''

''தேவலையே...எங்க மாப்பிள்ளை பொங்கலுக்கு வந்துவிட்டு தீபாவளி முடிஞ்சுதான் கிளம்புவார்!''

-லெ.நா.சிவகுமார்.
--------------------------------------------------------------------------------

ஒருவன்: என் மாமனாரிடம் தீபாவளிக்கு கோட்டும் சூட்டும் கேட்டேன்.

மற்றவன்: வாங்கிக்கொடுத்தாரா....?

ஒருவன்: ஆமா...! ஒரு மாசத்திற்கு வாடகைக்கு வாங்கிக் கொடுத்தார்..!
--------------------------------------------------------------------------------
ஒருவன்: சித்த வைத்தியர்...ன்னு கேள்விப்பட்டிருக்கேன். இவரை சித்தி வைத்தியர்...ன்னு சொல்றியே...!
மற்றவன்: எங்க சித்தி எப்பவும் இவரிடம் தான் வைத்தியம் பார்ப்பார். அதனாலதான்.
--------------------------------------------------------------------------------

திருடன்: ரெண்டு தடவை உங்க வீட்ல திருடியிருக்கேனே...! ஏன் போலீஸ்ல கம்ளைண்ட் பண்ணல...?
வீட்டுக்காரர்: இருக்கிறதயாவது காப்பாற்றிக் கொள்ளணுமின்னு தான்...!

-தேனி.எஸ்.மாரியப்பன்.
--------------------------------------------------------------------------------

"எம் பையனுக்கு மெடிக்கல் காலேஜில சீட் தரமாட்டேன்னு சொல்லிட்டாங்க..."
"அப்புறம்?"

"உள்ளூர் பர்னிச்சர் கடையிலேயே வாங்கிட்டோம்!"

- ஆ. சக்திவேலன்
--------------------------------------------------------------------------------

"தம் அடிக்கும்போது கழுத்துல இருக்குற மைனர் செயினை ஏன் கழட்டிட்டே?"
"செயின் ஸ்மோக்கர்-னு கெட்ட பேர் வந்துட கூடாது, பாரு"

- சி.பி. செந்தில்குமார்

நன்றி அம்பலம்.கொம்